У мінскім аэрапорце затрымалі двух мужчын, якія прыляцелі з Баку
На памежным кантролі / vk.com/gpkgovby
У Нацыянальным аэрапорце Мінск затрымалі двух мужчын, якія прыляцелі з Баку. Як паведамляе прэс-служба Дзяржаўнага памежнага камітэта Беларусі, здарэнне адбылося раніцай 25 сакавіка. Замежнікі мелі пры сабе пашпарты грамадзян Турцыі з замененымі старонкамі. Гэта пацвердзіла спецправерка.
Парушальнікі знаходзяцца ў ізалятары часовага ўтрымання, высвятляюцца іх асобы. За спробу незаконнага перасячэння мяжы ім пагражае штраф, а за падробку дакументаў — крымінальная адказнасць.
