Украінскі цягач згубіў у Беларусі цыстэрну са звадкаваным газам

Украінскі цягач згубіў у Беларусі цыстэрну са звадкаваным газам. Здарэнне адбылося ўначы 16 жніўня ў Мазырскім раёне. На закругленні дарогі ў грузавіка вырвала счэпную прыладу. У выніку кабіна засталася на праезнай частцы, а цыстэрна з'ехала ў кювет і там перакулілася. Прэс-служба МУС адзначае, што ніхто з людзей не пацярпеў. Кіроўца быў цвярозы, дакументы на груз у яго ў парадку. На месцы здарэння працавалі ратавальнікі і газавыя службы.

Вядома, што цыстэрну заправілі ў Мазыры прапан-бутанам — 18,5 тоны. Грузавік рухаўся ў бок Украіны.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.