Паўночны магнітны полюс рухаецца да Сібіры. Вось што гэта можа значыць

Паўночны магнітны полюс перамяшчаецца. Калі вам здавалася, што гэта стабільная кропка на глобусе, то вы памыляліся. Дзесяцігоддзямі ён патроху ссоўваецца і ўжо перайшоў з Паўночнай Канады ў Арктыку.

Паводле дадзеных навукоўцаў, з 1830-х паўночны магнітны полюс перамясціўся на 2250 кіламетраў. У апошнія пару дзесяцігоддзяў хуткасць "дрэйфу" ўзрасла: напрыклад, з 1990 па 2005 гады яна складала прыкладна 50-60 кіламетраў штогод.

Зараз хуткасць руху полюса трохі знізілася.

Спецыяліст па мадэляванні глабальнага геамагнітнага поля Брытанскай геалагічнай службы (BGS) Уільям Браўн адзначыў: стагоддзямі паўночны магнітны полюс Зямлі быў на тэрыторыі сучаснай Канады. Але к 1990-м ён зрушыўся ў Паўночны Ледавіты акіян.

Цяпер полюс рухаецца ў бок Расіі. Хутка ён апынецца на тэрыторыі Сібіры.

Як перамяшчэнне полюса паўплывае на нас

Перасоўванне магнітнага полюса паўплывае не толькі на стрэлку компаса, але і на вашыя смартфоны. Як? Усё проста: справа ў GPS і іншых навігацыйных сістэмах.

Як піша The Independent, іх трэба будзе скарэктаваць для правільнай працы, і ўжо найбліжэйшым часам. Гэтак жа сама, як неўзабаве прыйдзецца вырашаць пытанне аб "лішняй секундзе", якое ўзнікне к 2029-му.