У новым кліпе Ok Go гуляюцца з перспектывай і аптычнымі ілюзіямі (відэа)

Амерыканскіі гурт Ok Go выпусціў кліп на песню "The Writing's On the Wall". За тыдзень відэа набрала амаль 7 мільёнаў праглядаў на YouTube.

Вядомыя нестандартным падыходам да здымкаў кліпаў, гэтым разам Ok Go прадэманстравалі рознабаковыя аптычныя ілюзіі і гульню з перспектывай. Відэа знятае на складзе, які становіцца полем эксперыментаў музыкаў. Яны, напрыклад, гуляюцца з ілюзіяй "Куб Нэкера", ходзяць па сценах, ездзяць на ровары дагары нагамі, скачуць з неіснуючых прыступак. Для рэалізацыі ідэі басісту Ціму Нортвінду давялося нават адрэзаць палову барады. Самае цікавае, што кліп зняты за адзін дубль.

Песня "The Writing's On the Wall" увойдзе ў новы альбом гурта "Hungry Ghosts", рэліз якога запланаваны на кастрычнік 2014 года.

Паводле ria.ru

Фота: www.billboard.com