Каля аршанскага суда пасярод белага дня забілі жанчыну (фота)

Як паведамляе сайт poseti.by, невядомы мужчына некалькі разоў ударыў нажом дзяўчыну, якая ішла па вуліцы Савецкай. Яна памёрла на месцы здарэння. Недалёка знаходзяцца суд Оршы і Аршанскага раёна, а таксама гарадская пракуратура.

На працягу некалькіх хвілін міліцыянты ачапілі месца здарэння. Забойцу не затрымалі. Праваахоўнікі высвятляюць сведкаў і акалічнасці здарэння, а таксама матывы злачынства.

Паводле неправеранай інфармацыі, забойца мог быць знаёмы з ахвярай. А прычынай забойства маглі быць рознагалоссі паміж імі.

У каментарах паведамляецца, быццам удзельнікамі трагедыі сталі муж і жонка, якія выйшлі з будынка суда.

Фота — poseti.by