Smashing Pumpkins выдадуць фільм і канцэртны альбом
У ім прагучаць песні з альбома “Oceania” і некалькі хітоў.
Smashing Pumpkins выпускаюць 3D-фільм і жывы альбом па матывах свайго нядаўняга шоў у н’ю-ёркскім Барклайс-цэнтры. На канцэрце музыкі выканалі ўсе песні з апошняй пласцінкі “Oceania”, і парадавалі фэнаў старымі хітамі “Tonight, Tonight” і “Bullet With Butterfly Wings”. Рэжысёрам мантажу стаў Мілтан Ланж.
Канцэртны фільм “Oceania: Live in NYC” будзе выпушчаны ў 3D-фармаце, а таксама на Blu-ray, DVD і ў якасці лічбавага рэлізу. Бокс складзецца з дзвюх CD і DVD. Рэліз бокс-сэта запланаваны на 3 верасня.
Нагадаем, свой апошні альбом “Oceania” Smashing Pumpkins выдалі год таму.
Фота: lyrics.wikia.com
