У анамальную зіму Брэсцкую крэпасць атакавалі краты (фота)
З-за незвычайнай для апошніх дзён снежня цеплыні абудзіліся маленькія землякопы.
Напярэдадні Новага года яны аздобілі зялёны газон чорнымі кратавінамі. Праца маленькіх землякопаў бачная ў Брэсцкай крэпасці ўжо ад бетоннай зоркі, цэнтральнага ўваходу ў мемарыял. Характэрнымі пагоркамі пакрытая лугавіна перад кавярняй “Цытадэль”, кратавіны ёсць каля чатырох танкаў і побач з Холмскай брамай крэпасці.
Гэтымі днямі у Брэсце паветра праграваецца на сонцы да 12 градусаў.
