Віцэ-прэм'ер — пра тое, ці даведаецца міліцыя пра палавое жыццё школьніц
Віцэ-прэм'ер Ігар Петрышэнка пракаментаваў тэму, якая апошнім часам абмяркоўваецца ў беларускім грамадстве і СМІ. Нібыта, пасля планавых аглядаў гінеколагі будуць інфармаваць міліцыю пра палавое жыццё школьніц, малодшых за 16 гадоў. Раней прадстаўнік МУС заявіў, што практыка заканадаўча ўрэгуляваная, стаіць задача абараніць падлеткаў ад гвалтоўных дзеянняў, на іх палавую свабоду ніхто не замахваецца.
З каментаром БЕЛТА на згаданую тэму выступіла і начальнік аддзела меддапамогі маці і дзецям Міністэрства аховы здароўя Людміла Лёгкая. Пасыл той жа: урачэбная таямніца — гэта святое. Інфармацыю пра палавое жыццё падлеткаў гінеколагі не павінны нікому перадаваць, нават бацькам дзяцей. Аднак існуюць выключэнні — выпадкі, калі ёсць пагроза жыццю і здароўю дзяцей. І яны прадугледжаныя заканадаўствам, падкрэсліла Лёгкая.
"У любым выпадку падыход індывідуальны і вельмі карэктны, паколькі гэта стрэсавая сітуацыя, — кажа прадстаўніца Міністэрства аховы здароўя. — Прыцягваецца падрыхтаваны псіхолаг, да якога дзяўчынку накіроўвае акушэр-гінеколаг. Калі яна згаджаецца на зносіны з псіхолагам, ён ацэньвае яе псіхічны стан. І пры наяўнасці звестак, якія могуць паказваць на супрацьпраўныя дзеянні, інфармацыя індывідуальна перадаецца ў тэрытарыяльныя органы ўнутраных спраў".
