У амбасадзе Беларусі ў Варшаве выбаршчыкаў частуюць дранікамі (фотафакт)
Беларуска Алена, якая жыве ў Варшаве, сёння прыйшла прагаласаваць на выбарчы ўчастак у беларускай амбасадзе ў Польшчы. Па яе словах, для выбаршчыкаў тут зладзілі сапраўднае свята.
“Пайшла сабе прагаласаваць у беларускую амбасаду, а там сапраўднае свята. Драніцы, грыль, лідскі квас. Мням. Латок з традыцыйнымі вырабамі і музыка хапаюць за сэрца! Усё што душа пажадае”, — распавяла Алена.
Буфеты звычайна адчыняюць на большасці ўчастках для галасавання і ў самой Беларусі.
