12 палякаў і галандзец знішчалі агароджу на польска-беларускай мяжы
Польскія памежнікі затрымалі 13 чалавек, якія знішчалі агароджу на польска-беларускай мяжы. Прычым у групоўку ўваходзіла 12 палякаў і адзін галандзец. Вядуцца следчыя дзеянні, затрыманым будуць прад'яўленыя абвінавачванні.
Сярод затрыманых, пішуць памежнікі, “Барташ К.”. СМІ мяркуюць, што гаворка ідзе пра сустаршыню фонду "Адкрыты дыялог" Барташа Крамека. У сярэдзіне 2021 года ён быў узяты пад варту па падазрэнні ў адмыванні грошай. Фонд, якім Крамек кіруе разам з жонкай Людмілай Казлоўскай, у прэсе абвінавачвалі ў падрыхтоўцы "польскага майдана".
Кіраўнік польскага МУС назваў сітуацыю "абсалютна недапушчальнай". Па словах Марыюша Каміньскага, вінаватыя ў пашкоджанні дроту панясуць крымінальную адказнасць.
"Мы будзем рэагаваць на падобныя дзеянні з поўнай рашучасцю", — заявіў Каміньскі.
Sytuacja, do której doszło na naszej granicy, jest absolutnie niedopuszczalna. Sprawcy, którzy przerwali ogrodzenie zostali zatrzymani przez Straż Graniczną i poniosą wszelkie konsekwencje karne swoich działań. Na podobne akty będziemy reagować z pełną stanowczością.
— Mariusz Kamiński (@Kaminski_M_) August 29, 2021
Раней Польшча заявіла пра ўзвядзенне сцяны на мяжы з Беларуссю вышынёй у 2,5 метра — каб абараніць сябе ад наплыву нерэгулярных мігрантаў з тэрыторыі нашай краіны.
