Авіякампанія Iraqi Airways на тыдзень адмяніла рэйсы ў Беларусь
На бліжэйшы тыдзень авіякампанія Iraqi Airways адмяняе рэйсы ў Беларусь, Пра гэта авіякампанія паведаміла ў сваіх сацсетках.
"Пачынаючы з 5 жніўня, авіязносіны спыняюцца на адзін тыдзень. На працягу гэтага перыяду пасажыры могуць змяніць даты браніравання альбо аформіць вяртанне білетаў без штрафаў", — гаворыцца ў паведамленні кампаніі.
Таксама стала вядома, што прынамсі некаторыя рэйсы адмяняе і яшчэ адна іракская авіякампанія — FlyBaghdad.
