У бабруйскім тэатры не засталося ніводнага спектакля паводле беларускіх твораў
![Сцэна са спектакля "Божыя дзьмухаўцы" паводле дзіўнагорскага драматурга Андрэя Іванова](/sites/default/files/styles/gallery_main/public/2024-06/spc_6_06.jpg.webp?itok=8Tedlru2)
Сцэна са спектакля "Божыя дзьмухаўцы" паводле дзіўнагорскага драматурга Андрэя Іванова / teatr-bobr.by
У Магілёўскім абласным тэатры драмы і камедыі імя Вінцэнта Дуніна-Марцінкевіча, які размешчаны ў Бабруйску, не засталося ніводнага спектакля па беларускіх творах. Гэта высветліла "Наша Ніва" пасля вывучэння абноўленай афішы тэатра.
У прыватнасці, юным гледачам трупа прапануюць музычную казку "Сцяпан-салдат на выдумкі багаты", створаную па рускім фальклоры, "Дом для парсючкоў" па ангельскай народнай казцы, казку "Старая зайчыха" (гісторыю напісаў драматург з Екацярынбурга Мікалай Каляда), "Бураціна" Аляксея Талстога і казку "Лясны гадзіннік " па аднайменнай п'есе ўкраінскага драматурга Георгія Стэфанава.
Дарослым прапануюць паглядзець пастаноўку "Нюрнберг. Лава падсудных" — разважанні расійскага драматурга Аляксандра Ігнашова аб Нюрнбергскім працэсе і тым, хто будзе кіраваць пасляваенным светам. Выданне нагадвае, што ў 2011 годзе самарскі журналіст і выкладчык Ігнашоў быў адзіным падазраваным у справе аб забойстве сваёй аспіранткі. Паводле экспертызы, аспірантка была ад яго цяжарная. Дастатковых доказаў віны Ігнашова не знайшлі, забойства застаецца нераскрытым дагэтуль.
Ёсць яшчэ спектакль па творы драматурга Андрэя Іванова з Дзіўнагорска. Яе мастацкія якасці адзін з расійскіх крытыкаў апісаў словамі "моташна і агідна". Ёсць у афішы і спектакль "Томі" па творы зноў жа расійскага драматурга Анастасіі Букреевой.
Выданне мяркуе, што такі рэпертуар склаўся ў выніку кадравых змен, якія адбыліся ў тэатры. З 2007 года тэатрам нязменна кіруе Вераніка Вінель, якая раней працавала тут галоўным бухгалтарам. Галоўны рэжысёр тэатра — Дзмітрый Нуянзін. Ён родам з горада Ачынск ў Краснаярскім краі. Скончыў Харкаўскі Інстытут мастацтваў і да 2014 года працаваў галоўным рэжысёрам у Брэсцкім тэатры лялек. Потым вярнуўся на радзіму ў Ачынскі драматычны тэатр і прапрацаваў там 25 гадоў. Галоўным рэжысёрам у Магілёўскім абласным тэатры драмы і камедыі імя Вінцэнта Дуніна-Марцінкевіча Нуянзін стаў у 2023 годзе. Менавіта паходжанне Нуянзіна тлумачыць з'яўленне ў рэпертуары твораў малазнаёмых расійскіх аўтараў, мяркуе "Наша Ніва". Дзіўногорск (радзіма драматурга Андрэя Іванова), як і Ачынск — гэта невялікія гарады на поўдні Краснаярскага краю.
![В бобруйском театре не осталось ни одного спектакля по белорусским произведениям](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-06-07%20091421.png.webp?itok=wvYxTpaY)
![В бобруйском театре не осталось ни одного спектакля по белорусским произведениям](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-06-07%20091542.png.webp?itok=GjZMk7Ne)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.